Eronda 6,5 magnitudali zilzila sodir bo‘ldi

Eronda jiddiy yer silkinishi sodir bo‘ldi. Reuters'ning Eron telekanallariga asoslanib yozishicha, zilzila markazi Bandar Abbos yaqinidagi Hurmuzgon viloyati bo‘lgan. Yevropa – O‘rta Yer havzasi seysmologiya markazi bergan ma'lumotga ko‘ra 6,1 magnitudali silkinish 10 km chuqurlikda sodir bo‘lgan. Eron telekanallarida esa silkinish 6,5 magnitudali bo‘lgani aytilmoqda.

Eronda sodir bo‘lgan zilzila Arabiston yarimorolidagi BAA, Saudiya, Qatar, shuningdek, Bahraynda ham sezilgan. Ayniqsa BAAda silkinish sezilarli bo‘lgan.

Erondagi Telegram-kanallarda zilzila sabab ko‘plab odamlar binolardan tashqariga yopirilib chiqayotgani ko‘ringan videolar joylanmoqda.