Qashqadaryoda ikki nafar ayolni 1 000 dollar evaziga ishga kiritmoqchi bo‘lgan shaxs ushlandi

Qashqadaryo viloyati Nishon tumanida ikki nafar ayolni 1 000 AQSh dollari evaziga ishga kiritmoqchi bo‘lgan shaxs ushlangan. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar bermoqda.

Foto: Prokuratura Departamenti

Ma'lum qilinishicha, Bosh prokuratura huzuridagi departamentning Nishon tuman bo‘limi hamda tuman IIB xodimlari bilan hamkorlikda tezkor tadbir o‘tkazilgan.

Tadbirda, fuqaro X.A. ikki nafar ayolni tanishlari yordamida 1 000 dollar evaziga «J.T.» xususiy korxonasiga ishga kiritib qo‘yishni va'da qilib, shundan 800 AQSh dollarini olgan vaqtida ashyoviy dalillar bilan ushlangan.

Qayd etilishicha, mazkur holat yuzasidan Jinoyat kodeksining 168-moddasi (firibgarlik) va 28, 192-9-moddasi (tijoratda pora evaziga og‘dirib olish) bilan jinoyat ishi qo‘zg‘atilib, tergov harakatlari o‘tkazilmoqda.

Qashqadaryoda ishga kiritib qo‘yishini aytib fuqarolardan pul olgan shaxsga jinoyat ishi qo‘zg‘atildi

Qashqadaryoda fuqaroni «Enter Engineering»ga ishga kiritaman deb 3900 AQSh dollarga chuv tushirishdi