Olmaxon ovlagan leopard, timsoh quvayotgan yo‘lbars va yalqov ayiq: Yovvoyi tabiat fotosuratchilar nigohida

Nature InFocus tanlovi – Osiyodagi eng yirik yovvoyi tabiat suratlari festivali. Unda istalgan kishi ishtirok etishi mumkin – tanlov geografiyasi doimiy ravishda kengayib bormoqda. Pandemiya tufayli ikki yildan beri taqdirlash marosimi onlayn rejimda o‘tkazilmoqda.

Dasturda beshta yo‘nalishdagi suratlar taqdim etildi:

• Jonivorlar portretlari;
• Yovvoyi tabiat va tabiiy muhitda yashaydigan jonivorlar;
• Ijodiy tabiat suratlari;
• Tabiatni qo‘riqlash masalalari;
• Jonivorlarning xulq-atvori.

“Jonivorlarning xulq-atvori” nominatsiyasida Priyanka Raxut Mitra g‘olib bo‘ldi. U olgan suratda leopard ulkan hind olmaxonini tutishga muvaffaq bo‘lgan.

Mazkur yo‘nalishda Rajat Subxra Pramanik kumushga sazovor bo‘ldi. U yo‘lbars o‘z hududidan timsohni quvayotganini suratga olgan. Surat Rojaston shtatidagi milliy bog‘da olingan.

Shuvam Sadxukan uchinchi o‘rinni qo‘lga kiritdi. Suratda ikki hasharot aks etgan.

Kushal Guttedarom tomonidan Keniyada olingan surat hay'at a'zolarining alohida e'tiboriga sazovor bo‘ldi. Fotosuratchi ov jarayonidagi sherni suratga olishga muvaffaq bo‘lgan.

“Yovvoyi tabiat va tabiiy muhitda yashaydigan jonivorlar” nominatsiyasida hindistonlik Lakshita Karunarata g‘olib bo‘ldi. U Meksika tog‘larida dam olayotgan Monarx kapalaklari guruhini suratga olgan.

Ikkinchi o‘rin Hindiston janubidagi o‘rmonlarda tasodifan “yalqov ayiq” sifatida ma'lum bo‘lgan ayiqlarni uchratgan Diyya Dvaraknatga nasib etdi.

Bu yo‘nalishda bronza hind leopardi qiyofasini suratga olgan Shivang Mextaga berildi.

Yovvoyi tabiat aks ettirilgan yana boshqa kadrlar, hakamlar hay'ati e'tiboriga sazovor bo‘lgan suratlarni Nature InFocus tanlovi saytida tomosha qilish mumkin.