SSV: O‘zbekistonga keltirilgan va ishlab chiqarilgan vaksinalar miqdori qariyb 48 mln dozaga yetdi

Sog‘liqni saqlash vazirligi O‘zbekistonda koronavirucga qarshi emlash jarayonlarida foydalanish uchun yana 4 358 100 doza ZF-UZ-VAC2001 vaksinasi topshirilgani haqida ma'lum qildi.

Shunday qilib, emlash jarayonlarida qo‘llanish uchun topshirilgan jami vaksina miqdori 47 828 868 dozani tashkil qilmoqda.

Ulardan: 

• 2 404 480 dozasi AstraZeneca;
• 36 789 938 dozasi ZF-UZ-VAC2001;
• 1 341 790 dozasi Sputnik V; 
• 3 000 060 dozasi Moderna;
• 2 316 600 dozasi Pfizer/BioNTech;
• 1 976 000 dozasi Sinovac vaksinasidir.

Shundan 35 353 114 dozasi emlash jarayonlarida qo‘llangan.

6 dekabr kuni O‘zbekistonga Pfizer vaksinasining 301 860 dozalik partiyasi olib kelingani haqida xabar berilgandi.