Namangandan amalga oshiriladigan ayrim xalqaro aviaqatnovlar Farg‘onaga ko‘chirildi

2021 yilning 30 dekabr kuni HY9620/Domodedovo-Namangan aviaqatnovi Domodedovo - Farg‘ona muqobil yo‘nalishi bo‘yicha amalga oshiriladi, HY9619/Namangan - Domodedovo qatnovi esa Farg‘ona shahridan amalga oshiriladi.

Foto: Kun.uz

Uzbekistan Airways xabariga ko‘ra, bunday qaror meteorologik sharoit tobora yomonlashib borayotganligi - tuman, ko‘rishning yetarli darajada emasligi munosabati bilan qabul qilingan.
⠀
Aviaqatnovning harakat vaqtidagi kichik o‘zgarishlar quyida keltirilgan:

HY-9620 qatnovining jo‘nab ketish vaqti soat 12:26 ga o‘zgartirildi;
HY-9619 qatnovining jo‘nab ketish vaqti esa soat 14:00 ga o‘zgartirildi.

Yo‘lovchilarga qulaylik yaratish maqsadida Namangan va Farg‘ona aeroportlari o‘rtasida transfer harakat tashkil etiladi.