Qoraqalpog‘istonda bank mansabdorlari birovning nomidagi kredit mablag‘ini talon-toroj qilib yuborishdi

Ijtimoy tarmoqlarda "Qoraqalpog‘iston Respublikasi Ellikqal’a tumani Xalq banki xodimi ajratilishi kerak bo‘lgan kredit pullarini soxta xujjatlar asnosida o‘zlashtirganmi?" degan mavzuda maqola e’lon qilingandi. Ellikqal’a tumani hokimligi holatga rasmiy munosabat bildirdi.

Ma’lum bo‘lishicha, Ellikqal’a tumani prokuraturasi tomonidan Xalq banki Ellikqal’a filiali mansabdor shaxslariga nisbatan Jinoyat kodeksining tegishli moddalari bilan jinoyat ishi qo‘g‘atilgan.

Jinoyat ishining qo‘zg‘atilishiga Xalq banki Ellikqal’a filiali xodimlari tomonidan fuqaro Sh.S.ning xabarisiz 25 mln so‘m imtiyozli kredit mablag‘larini ajratib, talon-toroj qilingan holati asos bo‘lgan.

Holat yuzasidan hozirgi kunda Ellikqal’a tumani prokuraturasi tomonidan tergov harakatlari olib borilmoqda.

Bundan oldin Nukus tumanidagi maktab ta’mirlanishida 137 mln so‘m budjet mablag‘i talon-toroj qilingandi.