O‘zbekiston 2021 yilda eng ko‘p import mahsulotni Rossiya va Xitoydan olib kirgan 

Davlat statistika qo‘mitasi ma’lumotlariga ko‘ra, 2021 yilda O‘zbekiston importida yuqori ulushga ega bo‘lgan davlatlar orasida Rossiya yetakchilik qilmoqda – 5,5 mlrd dollar.

Keyingi o‘rinlarda 4,9 mlrd dollarlik import mahsulot olib kirilgan Xitoy va 2,7 mlrd dollarlik ko‘rsatkich qayd etilgan Qozog‘iston bormoqda.

Shuningdek, bu raqam qolgan davlatlar kesimida quyidagicha ko‘rinish oldi:

• Koreya – 1,8 mlrd;
• Turkiya – 1,7 mlrd;
• Germaniya – 692,3 mln;
• Turkmaniston – 690,6 mln;
• Ukraina – 472,4 mln;
• Hindiston – 461 mln;
• Litva – 438,3 mln AQSh dollari.

Bundan tashqari, Davlat statistika qo‘mitasi ma’lumotlariga ko‘ra, 2021 yilda O‘zbekiston eksportida yuqori ulushga ega bo‘lgan hamkor davlatlar orasida Xitoy yetakchilik qilmoqda – 2,5 mlrd.

Ushbu ko‘rsatkich qolgan davlatlar bo‘yicha quyidagicha ko‘rinish oldi:

• Rossiya – 2,1 mlrd;
• Turkiya – 1,7 mlrd;
• Qozog‘iston – 1,2 mlrd;
• Qirg‘iziston – 791 mln;
• Afg‘oniston – 649,4 mln;
• Tojikiston – 501 mln;
• Ukraina – 232 mln; 
• Kanada – 200 mln;
• Turkmaniston – 191,3 mln AQSh dollari.