09:55 / 26.01.2022
4261
Ўзбекистон мобил телефонларни асосан Хитойдан импорт қилмоқда

Ўзбекистон 16 та давлатдан мобил телефонлар импорт қилган. Бу ҳақда Давлат статистика қўмитаси маълумот берди.

Қўмита хабарига кўра, Ўзбекистон 2021 йилда хориждан қиймати 203,1 млн AҚШ долларига тенг бўлган қарийб 3 млн дона мобил телефон импорт қилган.

Қайд этилишича, телефон импорти 2020 йилга нисбатан солиштирилганда 1,7 млн донага ошган. Ўзбекистон 16 та давлатдан мобил телефонлар импорт қилган. 
 
Ўзбекистон мобил телефонларни энг кўп импорт қилган давлатлар орасида Хитой етакчилик қилмоқда – 102,4 млн доллар.

Кейинги ўринларда 80,7 млн долларлик телефон импорт қилинган Вьетнам ва 11,9 млн долларлик телефон олиб кирилган Ҳиндистон бормоқда.

Шунингдек, ушбу кўрсаткич қолган давлатлар кесимида қуйидагича кўриниш олди:

  • Қозоғистон – 5,3 млн;
  • БАА – 1,9 млн;
  • Германия – 647 минг;
  • Россия – 176 минг АҚШ доллари.
Top