Qashqadaryo viloyatida fuqaroni  o‘qishga kiritish uchun 700 dollar olgan shaxsga jinoyat ishi qo‘zg‘atildi

Bosh prokuratura huzuridagi departamentning Koson tumani bo‘limi tomonidan o‘tkazilgan tergovga qadar tekshiruvda, fuqaro F.R. fuqaro Sh.ning ishonchiga kirib, uni tanishlari yordamida Muborak tibbiyot kollejiga o‘qishga kiritib qo‘yishi evaziga 700 dollar olgani aniqlangan, Tekshiruv davomida F.R. 700 dollarni qaytargani protsessual tartibda rasmiylashtirilgan.

Qayd etilishicha, mazkur holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.