Farg‘onada uyda qulflanib qolgan ikki nafar bola qutqarildi

Farg‘ona viloyati Uchko‘prik tumanidagi ikki qavatli uyning xonadonlaridan birida ikki nafar yosh bola qulflanib qoldi. Bu haqda FVV xabar bermoqda.

Ma’lum qilinishicha, 18 fevral soat 15:14 da Uchko‘prik tumani FV bo‘limiga «Shodlik» ko‘chasida joylashgan ikki qavatli uy xonadonlarining birida ikki nafar yosh bolaning kirish eshigi qulflanib, ichkarida qolib ketgani to‘g‘risida xabar kelib tushgan.

Qutqaruvchilar zudlik bilan aytilgan manzilga yetib borib, maxsus avtokarvon yordamida xonadon derazasidan ichkariga kirgan va yolg‘iz qolgan bolalarni yaqinlariga sog‘-omon topshirgan.