“Oxirgi marta qachon televizor ko‘rganim esimda yo‘q”: Temur Adhamov insonlar hayotida internetning o‘rni haqida

Zamonamizda barcha axborot va ma’lumotlarni internet orqali olish omma uchun qulay bo‘lib qoldi. Shu sababdan bugun internet nashrlar auditoriyasi kengayayotgani sir emas. “Najot ta’lim” va “Osmondagi bolalar” loyihalari asoschisi Temur Adhamov televizor ko‘rmay qo‘yganiga ancha bo‘lganini aytadi.

Bugun hamma internetda

Oxirgi marta televizor ko‘rganim esimda yo‘q. Hozir hatto televizorlar ham internetga ulangan: uydayam, ishxonadayam.

Bugun o‘z biznesini yo‘lga qo‘yganlar uchun eng yaxshi reklama uslubi – internet orqali berilgan reklama bo‘lib qoldi. Chunki e’tibor bersak, hammaning qo‘lida telefon. Bu narsani cheklay olmaymiz, sababi inson har doim axborotga muhtoj.

Yaxshi auditoriyaning sizga va kompaniyangizga hurmati oshishini istasangiz...

Kun.uz sayti o‘ziga xos auditoriya to‘play oldi. Saytni kuzatib boradiganlar yaxshi bilishadiki, bugun eng yaxshi platformalardan biriga aylandi.

Auditoriya bilan auditoriyaning farqi shundaki, Kun.uz’da yuqori saviyali insonlar, siyosat va iqtisodiyotdan xabardor, jamiyatdagi voqealarni tahlil qila olish qobiliyatiga ega auditoriya shakllangan. Qo‘rqmasdan aytishim mumkinki, bu saytda reklama berish har taraflama manfaatli bo‘ladi.

Kun.uz’ning axborotni xolis va tezkorlik bilan yoritishi tufayli u yerda doimiy reklamalar joylash yaxshi auditoriyaning sizga va kompaniyangizga nisbatan hurmatini oshiradi.

Kun.uz – bu professionalizm

Bugun jurnalistikada professionalizm nima deb so‘ralsa - qo‘rqmasdan Kun.uz deyish mumkin. Xalqning dardi bo‘lib turgan paytda Kun.uz har doim ular bilan birga bo‘ldi. O‘z pozitsiyasini bildirdi.

Jamoaga so‘z erkinligini ta’minlashda juda katta xizmat ko‘rsatgani uchun alohida minnatdorchilik bildiraman.