Hayotimizda internetning o‘rni kun sayin kengaymoqda
Zamon talablariga ko‘ra bugungi kun odamlari asosan onlayn nashrlarni afzal bilishmoqda. Chunki har doim ham televizion yoki bosma nashrlarni kuzatishga imkon bo‘lmaydi. Onlaynda esa istalgan vaqt va joyda axborot olsa bo‘ladi.
Tadbirkor, Korzinka.uz asoschisi Zafar Hoshimov insonlar hayotida internetning o‘rni yil sayin emas, kun sayin o‘sayotganini aytdi.
“Yildan yilga derdim, lekin kundan kunga internetning hayotimizdagi o‘rni, uning odamlarga axborot yetkazish ahamiyati oshib boryapti. Hozir intervyu jarayonida ham telefonimga internet orqali xabarlar kelayotganini sezyapman. Bu balki biror yangiliklar yoki xabarlar bo‘lishi mumkin. O‘z-o‘zidan imkon qadar tezroq uni o‘qish istagi paydo bo‘ladi”,- deya qayd etdi Korzinka.uz rahbari.
Bugun eng samarali reklama – internet reklamalardir
Turmush tarzida internetning qamrovi ortishi o‘z o‘rnida undan foydalanuvchilarning ehtiyojlari uchun xizmat qiladi. O‘zbekistondagi top-biznesmenlar internet orqali berilgan reklamalarni eng samarali reklama sifatida qayd etishmoqda. Chunki jamiyatdagi eng katta omma bugun internetda o‘tiribdi.
Jumladan, Murad Buildings rahbari Murod Nazarov buning qulay tomonlari ko‘pligini ta’kidladi: “Internet orqali berilgan reklamaning qulayliklaridan biri – uni tahlil qilish imkoniyatining mavjudligida. Bu bilan berilgan reklamaning qanchalik samarali bo‘lganini bilish mumkin”.
“Ertalab uyqudan uyg‘onishimiz bilan telefonimizni qo‘lga olib yangiliklardan xabardor bo‘lishni xohlaymiz. Har bir korxona yoki brend egasi mahsulotini aholiga, jamiyatga yetkazmoqchi bo‘lsa, odamlar vaqtini qayerga qaratishini bilib, o‘sha yerga e’tibor qaratishi biznesda juda muhim” deydi MFactor, Deli kabi taniqli brendlar egasi
