15:08 / 01.03.2022
9550
Ҳиндистоннинг энг йирик банки Россия компаниялари билан ҳамкорликни тўхтатди

Транзакцияда иштирок этаётган томонлардан бири санкцияларга тушган Россия компанияси ёки банки бўлса, қайси валютада бўлишидан қатъи назар, пул ўтказиш тақиқланади.

Фото: AP

Ҳиндистоннинг энг йирик State Bank of India (SBI) банки Россиянинг Ғарб санкцияларига тушган компаниялари билан ҳамкорликни тўхтатди, деб хабар берди Reuters.

Қайд этилишича, транзакцияда иштирок этаётган томонлардан бири санкцияларга тушган Россия компанияси ёки банки бўлса, қайси валютада бўлишидан қатъи назар, пул ўтказиш тақиқланади.

Хабарда айтилишича, банк алоҳида мамлакатлар томонидан киритилган қонун ва чекловларни бузишни истамайди. Шунингдек, SBI ўз ҳамкорларини контрагентларни синчковлик билан текширишга чақирган.

Феврал охирида Евроиттифоқ, АҚШ ва бошқа айрим давлатлар Россия банклари ва компанияларига нисбатан санкциялар жорий этганди.

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top