18:05 / 05.03.2022
13062
Қирғизистон Россия ва Украина ўртасидаги музокаралар учун майдон тақдим этишга тайёрлигини билдирди

Қирғизистон ташқи ишлар вазири томонларни низони давом эттиришга асло ундамаслик кераклигини айтди.

Фото: РИА Новости

Бишкек Россия ва Украина ўртасида тинчлик музокаралари ўтказилиши учун майдонча тақдим этишга тайёр. Бу ҳақда Қирғизистон ташқи ишлар вазири Руслан Казакбаев маълум қилди.

"Қирғизистон Россия ва Украина вакиллари ўртасида музокаралар бошланганини олқишлайди ҳамда бу йўналишдаги ҳар қандай воситачилик ҳаракатларини қўллаб-қувватлайди. Зарур бўлса, майдонча тақдим этишга ва тинчлик ўрнатилиши учун саъй-ҳаракатларни амалга оширишга тайёрлигини билдиради", - деди у.

Казакбаев томонларни низони давом эттиришга асло ундамаслик кераклигини айтди.

"Бугун биз жаҳонда урушдан кейинги даврнинг мислсиз инқирози гувоҳи бўлиб турибмиз. Дунё ҳалокат бошланиши ёқасида турибди, инсоният ундан кейин тикланишига кафолат йўқ. Томонларни низони давом эттиришга асло ундамаслик керак", - деди у.

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top