OTMlarda korrupsiyaning oldini olish uchun joriy qilingan “super-kontrakt” tizimida ham korrupsiya holatlari aniqlandi
10ta OTMda 117 talabaning DTM balli soxtalashtirilib, ularning “super-kontrakt” narxi 9,6 mlrd so‘mga arzonlashtirilgan.
![](https://storage.kun.uz/source/8/Jpi6X0V_5-_JrW5FW9HkxtvPL1LksNjQ.jpg)
Foto: iStock
Deputat Doniyor G‘aniyevning yozishicha, Hisob palatasining 2021 yilgi faoliyati Oliy Majlis Qonunchilik palatasi deputatlari tomonidan ko‘rib chiqilmoqda.
Hisobotda tabaqalashtirilgan to‘lov-kontraktni soxtalashtirish holatlari aniqlangani qayd etilgan.
“Hisob palatasi tomonidan OTMlarga qo‘shimcha tabaqalashtirilgan to‘lov-kontrakt asosida o‘qishga qabul qilingan talabalarning hujjatlari o‘rganilganda, 10ta OTMda 117 nafar talabaning (bu faqat aniqlangani, aniqlanmagani qancha xudo biladi) Davlat test markazi ma’lumotnomasidagi ballarini soxtalashtirish orqali "super-kontrakt" summalarining miqdori jami 9,6 mlrd so‘mga kam hisoblangan”, deb yozadi deputat.
Masalan, Toshkent tibbiyot akademiyasida 2020/2021 o‘quv yilida fuqaro F.B. kirish imtihonida aslida atigi 56,6 ball olgan bo‘lsa-da, uning to‘plagan balli 132,7 ball etib ko‘rsatilgan hamda fuqarodan 279,4 mln o‘rniga 139,7 mln so‘m, 139,7 mln so‘m kamroq to‘lov-kontrakt puli olingan.
“Oddiy qilib aytganda, oliy ta’lim muassasalariga kirishda aynan korrupsiyaning oldini olish maqsadida joriy qilingan "super-kontrakt" tizimining o‘zida ham korrupsiya holatlari aniqlangan. Ya’ni korrupsiyaga qarshi kurashish orqali ham "soqqa" qilish yo‘lini o‘ylab topishgan. Qoyil qolmay iloji yo‘q”, deydi deputat.
Qayd etilishicha, kelgusida bunday holatlar takrorlanishining oldini olish maqsadida, 2021/2022 o‘quv yilidan boshlab tabaqalashtirilgan to‘lov-kontrakt asosida o‘qimoqchi bo‘lganlar uchun onlayn platforma yaratilib, arizalar avtomatik tarzda qabul qilinishi va shartnomalar summasi inson omilining aralashuvisiz hisoblanishi yo‘lga qo‘yilgan.
Mavzuga oid
![](https://storage.kun.uz/source/thumbnails/_medium/10/Avsni2NL6Iy_YeL1aYB8CpUi1z1m07Es_medium.jpg)
14:13 / 29.08.2024
Super-kontrakt narxlari tasdiqlandi
![](https://storage.kun.uz/source/thumbnails/_medium/10/1WteO48jD2ND1q_whyP2VKvkSu4M0RQO_medium.jpg)
19:11 / 23.08.2024
Qozog‘istonda 10 million dollarlik «tushunarsiz boylik» davlatga qaytarildi
![](https://storage.kun.uz/source/thumbnails/_medium/10/s3x4Finu9GRmRZCpCy2JvZApdv6DrHBJ_medium.jpg)
09:46 / 23.08.2024
Toshkentda korrupsiyaviy jinoyat sodir etgan mansabdorlar asosan qaysi idoralarda ishlagani aytildi
![](https://storage.kun.uz/source/thumbnails/_medium/10/150wAOyH3C5TvgIGFBJftqwP8gUcLEj__medium.jpg)
12:59 / 19.08.2024