14:07 / 25.03.2022
12739
Россия МДҲда пенсиялар бўйича постсовет битимидан чиқишни режалаштирмоқда

2023 йил 1 январда Россия МДҲга аъзо давлатлар фуқароларининг пенсия таъминоти соҳасидаги ҳуқуқлари кафолатлари тўғрисидаги битимни бекор қилишни режалаштирмоқда. Ҳужжат 1992 йилда имзоланган, Ўзбекистон ҳам битим иштирокчиси ҳисобланади. Рад этиш учун далиллардан бири - у Россия бюджетига ортиқча юк бўлган.

Фото: Денис Гришкин / РИА Новости

Бу ҳақда Россия Меҳнат вазирлиги ва Ташқи ишлар вазирлиги томонидан ишлаб чиқилган федерал қонун лойиҳасида сўз юритилган, деб хабар берди РБК.

Ўз навбатида, бу ҳозирги пенсионерларга таъсир қилмайди, ўзгаришлар асосан мигрантларга алоқадордир. Россия аллақачон ЕОИИ давлатлари билан янги шартнома имзолаган. 

«Шартнома СССРда иш тажрибасига эга бўлган фуқароларнинг авлодлари манфаатларини ҳисобга олиш вазифасини муваффақиятли бажарди», дейилади қонун лойиҳасининг тушунтириш хатида. 

Ҳужжат имзоланганига 30 йил бўлди, шартномада иштирок этувчи мамлакатларда давлат пенсия таъминоти тизимидан тўланган суғурта бадаллари асосида пенсияларни шакллантириш тизимига ўтилди. Шу сабабли, МДҲ шартномаси бандлари «пенсия тизимларининг мафкураси ва асосий тамойилларига мос келмайди», «ушбу давлатлар фуқароларига пенсияга чиққанда пенсия ҳуқуқларини тўлиқ амалга оширишга имкон бермайди». 

Қонун лойиҳаси Иқтисодий ривожланиш вазирлиги, Пенсия жамғармаси, Молия вазирлиги билан келишилган, Россия президентининг давлат-ҳуқуқий бошқармаси ва Ҳисоб палатаси томонидан қўллаб-қувватланган, дейилади лойиҳага илова қилинган материалларда.

Пенсия ҳуқуқларининг кафолатлари тўғрисидаги шартнома 1992 йилда имзоланган бўлиб, Россиядан ташқари тўққизта давлат унинг иштирокчилари ҳисобланади - Арманистон, Беларус, Қозоғистон, Қирғизистон, Молдова, Тожикистон, Туркманистон, Ўзбекистон ва Украина. 

Ҳужжатда пенсиялар фуқаролигидан қатъи назар, шахснинг доимий яшаш жойидаги давлат томонидан тайинланиши ва тўланиши назарда тутилган. Мамлакатлар ўртасида ўзаро ҳисоб-китоблар амалга оширилмайди (агар бу алоҳида икки томонлама шартномаларда назарда тутилмаган бўлса). Бу СССР ҳудудида 1992 йилгача, шунингдек, 1992 йилдан бери иштирокчи мамлакатлар ҳудудидаги бутун иш стажи ва даромадларни ҳисобга олади.

Шартномадан воз кечиш сабабларидан бири сифатида у Россия бюджетига ортиқча юк бўлгани келтирилган: шартноманинг ҳудудий принципи, масалан, пенсиялар даражаси юқорироқ ёки пенсия ёши пастроқ бўлган давлатларнинг молиявий мажбуриятларини оширишни назарда тутади. Хусусан, ҳозирда Россияда яшовчи пенсионернинг МДҲ мамлакатларида олган даромадлари, миллий валютани пенсия тайинланган кундаги курс бўйича рублга ўтказиш орқали Россия ҳудудида олинган даромадлари сифатида кўрилади.

«Россияга миграция оқимининг ўсиши муносабати билан келишувни амалга ошириш харажатлари ҳам ошиб бормоқда», дейилади тушунтириш хатида. 

Top