Qoʻshimcha funksionallar
-
Tungi ko‘rinish
Xaridor tomonidan qaytarilgan tovar uchun ham soliq to‘lanadimi? – DSQ mas’uli javob berdi
Tadbirkorlar sotilgan tovar xaridor tomonidan qaytarilganda, qaytarilgan chekni ONKMda aks ettirish imkoni yo‘qligi bois muammolarga duch kelmoqda. Davlat soliq qo‘mitasi bu borada izoh berdi.

Fotokollaj: Kun.uz
Kun.uz’ga murojaat yo‘llagan tadbirkorlar onlayn nazorat kassa mashinasida mijoz tomonidan qaytarilgan tovar uchun chekni qaytarish (vozvrat) funksiyasi yo‘qligini, bu ortiqcha muammo keltirib chiqarayotganini aytishgan.
“Biror mahsulot sotilgandan keyin, ma’lum sabablarga ko‘ra xaridor uni qaytarib olib kelsa onlayn nazorat kassa mashinasida “vozvrat” yo‘q, Kun yopilgandan keyin chekni qaytarish mumkin emas. Bu degani tadbirkor ham soliq to‘laydi. Bu holatda soliq qo‘mitasi hech qanday yechim bermagan”, – deydi u.
Holat yuzasidan izoh bergan Davlat soliq qo‘mitasi axborot kommunikatsiyalar departamenti direktori Hayotjon Nasrulloyevning tushuntirishicha, yaqinda soliq to‘lovchilarning shaxsiy kabinetida qaytarilgan tovar uchun cheklarni qaytarish funksiyasi qo‘shilgan.
Davlat soliq qo‘mitasining rasmiy sahifasida yangi funksiya haqida ma’lumot ham berilgan.
Unga ko‘ra, hisob-kitoblarning to‘g‘ri olib borilishini ta’minlash maqsadida soliq to‘lovchining (my.soliq.uz) shaxsiy kabinetida onlayn-NKM va virtual kassa orqali berilgan cheklar bo‘yicha mahsulotlar qaytarib berilganda qaytarish cheklarini hisobot davri uchun ro‘yxatdan o‘tkazish imkoniyati yaratilgan.
Onlayn-NKM yoki virtual kassa cheklarini qaytarish uchun:
- my.soliq.uz portalida soliq to‘lovchining shaxsiy kabineti “YuSh onlayn-NKM va virtual kassa ma’lumotlari” bo‘limidagi “Chekni qaytarish” menyusida chek chop etilgan sana va savdo shoxobchasi tanlanib “Qidirish” tugmasi bosiladi;
- Keyingi bosqichda “Qaytarilgan chek” shakllanadi. Ushbu bo‘limda xarid cheki raqami kiritilib “Yuborish” tugmasi bosiladi.
Kun.uz bilan suhbatda DSQ mas’uli Hayotjon Nasrulloyev qaytarish cheklarini keyingi oyning 10-sanasiga qadar ro‘yxatdan o‘tkazish mumkinligini aytdi.
“Tovarlarni qaytarish funksiyasi barcha onlayn NKM qurilmalarida mavjud. Agar tadbirkorlik sub’yekti ushbu funksiyani ishlatishda muammoga duch kelsa o‘zi shartnoma qilgan texnik xizmat ko‘rsatish markaziga murojaat qilishi mumkin”, - deydi u.
Tavsiya etamiz
Urush taqdiri Alyaskada hal bo‘ladi – hafta dayjesti
Jahon | 17:31 / 10.08.2025
Koreya: Gapirilmaydigan haqiqatlar (2-qism) | SUBYEKTIV
Jamiyat | 18:07 / 09.08.2025
Lazizbek Mullajonov birinchisi emas. Doping sabab diskvalifikatsiya qilingan mashhur o‘zbek sportchilari
Sport | 20:54 / 08.08.2025
«Oltin to‘p»ga da’vogarlar ro‘yxati e’lon qilindi
Sport | 16:40 / 08.08.2025
So‘nggi yangiliklar
-
Tojikiston va O‘zbekiston o‘rtasida ikkita yangi nazorat-o‘tkazish punkti ochildi
Iqtisodiyot | 07:50
-
Eron rasmiysi: Zangezur yo‘lagi «Tramp yollanma askarlari qabristoni»ga aylanadi
Jahon | 07:41
-
Hafta boshida harorat 40 darajagacha ko‘tariladi
O‘zbekiston | 07:32
-
O‘zbekistonda birinchi marta tungi yorug‘lik asosida iqtisodiy faollik baholandi
Iqtisodiyot | 07:17
Mavzuga oid

13:50 / 16.08.2022
Tadbirkorlik sub’yektlarining aylanmasi 650 trln so‘mdan oshib, avvalgi yilga nisbatan 127,8 foizga o‘sdi

12:36 / 01.07.2022
Bekor bo‘layotgan imtiyozlar, yangi subsidiyalar – 1 iyuldan soliq ma’murchiligida nimalar o‘zgardi?

15:30 / 30.06.2022
Sherzod Qudbiyev yosh soliqchilar bilan uchrashuvda DSQda ishlash istagini bildirgan qizni ishga oldi

18:04 / 16.05.2022