Toshkentda 2 aprel kuni ayrim ko‘chalarda harakat vaqtincha cheklanadi 

Qayd etilishicha, 2 aprel kuni 19-motomavsum ochilishi munosabati bilan o‘tkaziladigan motosayyohlarning tantanali yurishi paytida poytaxtdagi bir necha ko‘chalar soat 12:00 dan 13:00 gacha yopiladi.

Ushbu ko‘chalar:

• "Novza" metrosidan Bunyodkor shohko‘chasi bo‘ylab Bunyodkor va Alisher Navoiy shohko‘chalari kesishmasigacha;  
• Alisher Navoiy va Bunyodkor shohko‘chalari kesishmasidan Alisher Navoiy shohko‘chasi bo‘ylab Sharof Rashidov ko‘chasigacha;
• Alisher Navoiy shohko‘chasi va Sharof Rashidov ko‘chasi kesishmasidan shu ko‘cha bo‘ylab Afrosiyob ko‘chasigacha;
• Afrosiyob ko‘chasidan shu ko‘cha bo‘ylab Bunyodkor metro bekatigacha.

Bundan oldin Toshkentda tarovih namozlari o‘qilishi munosabati bilan masjidlar yaqinidagi yo‘llar yopilishi xabar berilgandi.