Тошкентда 2 апрель куни айрим кўчаларда ҳаракат вақтинча чекланади

Тошкентда 2 апрель куни мотомавсум очилиши муносабати билан айрим кўчаларда ҳаракат вақтинча чекланади. Бу ҳақда пойтахт ҳокимлиги хабар берди.

Қайд этилишича, 2 апрель куни 19-мотомавсум очилиши муносабати билан ўтказиладиган мотосайёҳларнинг тантанали юриши пайтида пойтахтдаги бир неча кўчалар соат 12:00 дан 13:00 гача ёпилади.

Ушбу кўчалар:

"Новза" метросидан Бунёдкор шоҳкўчаси бўйлаб Бунёдкор ва Алишер Навоий шоҳкўчалари кесишмасигача;
Алишер Навоий ва Бунёдкор шоҳкўчалари кесишмасидан Алишер Навоий шоҳкўчаси бўйлаб Шароф Рашидов кўчасигача;
Алишер Навоий шоҳкўчаси ва Шароф Рашидов кўчаси кесишмасидан шу кўча бўйлаб Афросиёб кўчасигача;
Афросиёб кўчасидан шу кўча бўйлаб Бунёдкор метро бекатигача.

Бундан олдин Тошкентда таровиҳ намозлари ўқилиши муносабати билан масжидлар яқинидаги йўллар ёпилиши хабар берилганди.