16:00 / 11.04.2022
11091
Австрия канцлери Путин билан Украина бўйича музокара ўтказиш учун Москвага келди

Ёпиқ шаклда ўтказиладиган музокарада Украина мавзуси муҳокама қилинади. 

Фото: AFP

Австрия канцлери Карл Неҳаммер Россия президенти Владимир Путин билан музокара ўтказиш учун Москвага келди.

Хабар қилинишича, музокара ёпиқ шаклда ўтказилади, унда Украина муҳокама қилинади. 

Россия президенти матбуот котиби Дмитрий Песков учрашув ёпиқ шаклда ўтказилишини Австрия томони таклиф қилганини айтди.

«Суҳбат Украина атрофидаги вазият бўйича бўлади»,— деди у.

Унинг сўзларига кўра, «газ масаласи» ҳам муҳокама қилиниши мумкин.

Австрия ташқи ишлар вазири  Александер Шалленберг икки давлат раҳбарлари учрашувига журналистлар қўйилмаслигини тасдиқлади.

«Юзма-юз суҳбат бўлади, ҳеч қандай ОАВ бўлмайди ва суҳбатдан сўнг матбуот билан боғлиқ тадбирлар ўтказилмайди»,— деди у. 

Top