Avstriya kansleri Putin bilan Ukraina bo‘yicha muzokara o‘tkazish uchun Moskvaga keldi
Yopiq shaklda o‘tkaziladigan muzokarada Ukraina mavzusi muhokama qilinadi.
Avstriya kansleri Karl Nehammer Rossiya prezidenti Vladimir Putin bilan muzokara o‘tkazish uchun Moskvaga keldi.
Xabar qilinishicha, muzokara yopiq shaklda o‘tkaziladi, unda Ukraina muhokama qilinadi.
Rossiya prezidenti matbuot kotibi Dmitriy Peskov uchrashuv yopiq shaklda o‘tkazilishini Avstriya tomoni taklif qilganini aytdi.
«Suhbat Ukraina atrofidagi vaziyat bo‘yicha bo‘ladi»,— dedi u.
Uning so‘zlariga ko‘ra, «gaz masalasi» ham muhokama qilinishi mumkin.
Avstriya tashqi ishlar vaziri Aleksander Shallenberg ikki davlat rahbarlari uchrashuviga jurnalistlar qo‘yilmasligini tasdiqladi.
«Yuzma-yuz suhbat bo‘ladi, hech qanday OAV bo‘lmaydi va suhbatdan so‘ng matbuot bilan bog‘liq tadbirlar o‘tkazilmaydi»,— dedi u.
Mavzuga oid
10:50
Avstriyadagi saylovlarda o‘ng populistlar g‘alaba qozondi
08:10
Ukraina Rossiyadagi raketa arsenaliga muvaffaqiyatli zarba berganini e’lon qildi
00:16
Norvegiya hukumati Rossiya bilan chegaraga panjara qurish haqida o‘ylamoqda
18:57 / 29.09.2024