09:00 / 11.04.2022
2200
“Ўзбекинвест” компанияси 2021 йилда миллий экспортнинг 33 фоизига суғурта ҳимоясини тақдим этди

2021 йилда “Ўзбекинвест” суғурта компанияси миллий маҳсулот, иш ва хизматларни экспорт қилувчи тадбиркорларнинг суғурта ҳимояси ҳажмини оширди ва бу билан ўзининг ишончли суғуртачи ҳамда ҳамкор нуфузини тасдиқлади.

Фото: Ўзбекинвест

Ўзбекистон Республикаси президентининг 2018 йил 20 декабрдаги “Экспортга кўмаклашиш ва уни рағбатлантиришни кучайтириш чора-тадбирлари тўғрисида”ги ҳамда “Экспорт фаолиятини молиялаштириш ва суғурта ҳимояси механизмларини кенгайтириш чора-тадбирлари тўғрисида”ги 2019 йил 24 майдаги қарорларида белгилаб берилган вазифаларни бажариб, 2021 йилда миллий экспортчиларга 1,78 миллиард АҚШ доллари миқдорида суғурта ҳимоясини тақдим этди, бу эса республиканинг нохомашё экспорти қопланишининг 33 фоизини ташкил этди.

Экспорт қилувчиларнинг мулки, жавобгарлиги ва тадбиркорлик фаолиятини комплекс суғурта қилиш доирасида 2021 йилда 28 миллиард сўм суғурта мукофотлари йиғилди.

Компания жаҳоннинг етакчи давлатлари экспорт-кредит агентликлари билан жами 40 дан ортиқ шартнома ва ҳамкорлик Меморандумларини тузган. Хусусан, ЭКСАР (Россия), NEXI (Япония), SINOSURE (XXР), KSure (Корея), UK Export Finance (Буюк Британия), COFACE (Франция), SACE (Италия), (ICIEC) va Export Credit Etihad Credit Insurance (БАА) ва бошқалар билан.

Суғурта ҳодисалари юз берганлиги муносабати билан компания томонидан берилган полислар бўйича 2021 йил давомида экспортчиларга 25 миллиард сўм суғурта қопламалари тўланди.

Жорий йилда ҳам “Ўзбекинвест” компанияси республиканинг экспорт салоҳиятини ривожлантириш бўйича давлат сиёсатининг амалга оширилишини таъминлаш, товар, иш ва хизматларнинг миллий экспортчиларини ҳар томонлама қўллаб-қувватлашни давом эттиради.

“Ўзбекинвест” экспорт-импорт суғурта компанияси АЖ ахборот хизмати Ⓣ

Top