15:59 / 19.04.2022
15327
Тошкентда вояга етмаган қизларга нисбатан уятсиз ҳаракатлар содир этган мактаб психологига жиноят иши қўзғатилди

Ижтимоий тармоқларда Тошкент шаҳридаги 158-сонли мактабда ўқувчи қизларга нисбатан уятсиз бузуқ ҳаракатлар содир этилгани ҳақида хабарлар тарқалди. Пойтахт ИИББ мазкур ҳолат юзасидан расмий маълумот берди.

Жорий йилнинг 7 апрель куни Миробод туманидаги 158-сонли мактабда 1963 йилда туғилган, шу мактабда психолог лавозимида ишловчи А.Г. вояга етмаган қизларга нисбатан уятсиз бузуқ ҳаракатлар содир этгани аниқланган.

ИИББ хабарида айтилишича, мазкур ҳолат юзасидан Ўзбекистон Республикаси Жиноят кодексининг 129-моддаси (“Ўн олти ёшга тўлмаган шахсга нисбатан уятсиз-бузуқ ҳаракатлар қилиш”) билан жиноят иши қўзғатилган. 

Қайд этилишича, гумонланувчи А.Г. шаҳар клиник психиатрия шифохонасига жойлаштирилган. 

Тергов ҳаракатлари давом этмоқда, дейилади ИИББ хабарида.

Top