Buyuk Britaniya hukumati «Chelsi» klubi sotilishini ma’qulladi

May oyi boshlarida Abramovich klubni amerikalik milliarder Todd Boeli boshchiligidagi investorlar guruhiga sotishi ma’lum bo‘ldi. Kelishuv miqdori 4,25 mlrd funt sterlingni (5,3 mlrd dollar) tashkil etadi.   

Buyuk Britaniya hukumati milliarder Roman Abramovichning «Chelsi» futbol klubi sotilishiga ruxsat beruvchi litsenziyani berdi. Bu haqda «Forbs» mamlakat raqamlashtirish, madaniyat va sport vaziri Nadin Dorrisga tayanib xabar qildi. 

«Biz sotuvdan tushgan pullarni Roman Abramovich yoki sanksiyalarga tushgan boshqa shaxslar olmasligidan qoniqish hosil qildik», — dedi Dorris. 

Avvalroq Angliya Premer-ligasi boshqaruvi klub sotilishiga rozilik bergandi.

Abramovich «Chelsi»ni 2003 yilda 187 mln dollarga sotib olgandi. U 2022 yil mart oyida klubni sotishga qaror qildi. 

May oyi boshlarida Abramovich klubni amerikalik milliarder Todd Boeli boshchiligidagi investorlar guruhiga sotishi ma’lum bo‘ldi. Kelishuv summasi 4,25 mlrd funt sterlingni (5,3 mlrd dollar) tashkil etadi.