“Afrosiyob” tezyurar poyezdi bortdagi nosozlik sababli Jizzax viloyati hududida qariyb bir soat to‘xtab qolgan.
Foto: Wikipedia
“O‘zbekiston temir yo‘llar” AJ axborot-tahliliy media markazining xabar berishicha, bugun, 2022 yil 30 may kuni, soat 17:40 da Samarqand—Toshkent yo‘nalishida harakatlanayotgan “Afrosiyob” tezyurar poyezdi Jizzax—Zarbdor peregonida to‘xtab qolgan.
Qayd etilishicha, ushbu holatga bort tizimidagi nosozlik sabab bo‘lgan. Soat 18:30 da kamchiliklar bartaraf etilgach, yo‘lovchi poyezdi o‘z harakatini davom ettirgan.
«Yo‘lovchilardan uzr so‘rab, to‘g‘ri tushunishlarini so‘rab qolamiz», deyiladi xabarda.
Avvalroq, turli nosozliklar tufayli bir necha bor Toshkent metrosida poyezdlar to‘xtab qolgandi.
