19:51 / 06.07.2022
9038
Британия мудофаа вазирлиги: Россиянинг Донбасс учун жангдаги кейинги нишони Словянск бўлиши мумкин
Фото: Scott Olson / Getty Images

Буюк Британия мудофаа вазирлиги Украинадаги уруш бориши ҳақидаги ҳар кунги ҳисоботида Луҳанск области назоратга олингач, россиялик ҳарбийларнинг кейинги мақсади Словянскни эгаллаш бўлиши мумкинлигини тахмин қилди.

Британия ҳарбий разведкасига кўра, сўнгги ҳафтада Россия қўшини Изюмдан Словянскка олиб борувчи E40 трассаси бўйлаб беш километрга илгарилаган, бу йўналишда украин ҳарбийлари томонидан «ўта қатъий қаршилик» кўрсатилмоқда.

Таъкидланишича, энди «Ғарб» ва «Шарқ» гуруҳларига мансуб россиялик ҳарбийлар Словянскдан тахминан 16 километр масофада турибди, бу шаҳарга ўтган ҳафтада Украинанинг Луҳанск областидаги сўнгги йирик шаҳри бўлган Лисичанскни эгаллаган «Марказ» ва «Жануб» гуруҳлари ҳам таҳдид солмоқда.

«Словянск учун жанг Донбасс учун катта жангдаги навбатдаги асосий қарама-қаршиликка айланишининг реал эҳтимоли мавжуд», дея қайд этади Британия мудофаа вазирлиги.

Мавзу
Украина инқирози
2021 йил давомида Россия Украина билан чегарада қўшин тўплади. Сўнгги вақтларда минтақада вазият кескинлашмоқда.
Барчаси
Top