Jismoniy shaxslar ayrim miqdorlardagi tovarlarni bojxona to‘lovlarini to‘lamasdan O‘zbekistonga olib kirishi mumkin.
“Huquqiy axborot” kanalida yozilishicha, ular quyidagicha:
- O‘zbekistonning xalqaro aeroportlari bojxona chegaralari orqali olib o‘tishda – 2 000 AQSh dollari;
- O‘zbekiston davlat chegaralarining temir yo‘l va daryo bojxona chegaralari o‘tish punktlari orqali olib o‘tishda – 1 000 AQSh dollari;
- O‘zbekiston davlat chegaralarining avtoyo‘l (piyoda) bojxona chegaralari o‘tish punktlari orqali olib o‘tishda – 300 AQSh dollari;
- xalqaro kurerlik jo‘natmalari orqali jismoniy shaxslar nomiga kelayotgan tovarlar uchun – bir kalendar chorak mobaynida 1 000 AQSh dollari;
- xalqaro pochta jo‘natmalari orqali jismoniy shaxslar nomiga kelayotgan tovarlar uchun – 100 AQSh dollari.