Toshkentda pora bilan qo‘lga tushgan ikki fuqaro sobiq soliqchilar ekani ma’lum qilindi

Toshkent shahar soliq boshqarmasi pora bilan qo‘lga tushgan xodimlar yuzasidan ma’lumot berdi.

“Telegram” ijtimoiy tarmog‘ida 2022 yil 24 iyul kuni Toshkent shahar davlat soliq boshqarmasining ikki xodimi pora bilan ushlangani to‘g‘risida ma’lumot tarqaldi.

Toshkent shahar davlat soliq boshqarmasi ushbu fuqarolar - E.F. va R.H. muqaddam soliq idoralarida ishlagan sobiq xodimlar ekani hamda hozirda soliq tizimida faoliyat yuritmasligini ma’lum qildi.

Bundan oldin 6 oyda 1785 nafar mansabdor shaxslar jinoiy javobgarlikka tortilgani xabar berilgandi.

Jinoyati fosh qilingan mansabdor shaxslarning 13 nafari respublika, 195 nafari viloyat va 1577 nafari tuman-shahar miqyosidagi vazirlik, idora va tashkilotlarda faoliyat yuritgan.