Bugun va dam olish kunlari O‘zbekiston hududiga Ural hududlaridan quruq va salqin havo kirib kelishi davom etadi.
Foto: Kun.uz
«O‘zgidromet» xabariga ko‘ra, respublika bo‘yicha asosan kam bulutli ob-havo bo‘lishi kutilmoqda. Shamol shimoli-sharqdan 7-12 m/s tezlikda esadi, 19-20 avgustda 17-22 m/s gacha kuchayadi, ba’zi joylarda chang-to‘zonlar kuzatiladi. Respublikaning ayrim hududlarida shamol tezligi 24-27 m/s ga yetishi mumkin.
Bugun kunduz kuni havo harorati 32-35 daraja issiq atrofida bo‘ladi, shanba va yakshanba kunlari esa yanada salqinlashadi.
Kechasi va ertalab harorat 12-15 daraja iliqqacha pasayadi, kunduz kunlari 27-30 daraja issiq atrofida bo‘ladi. Bunday harorat foni ushbu davr uchun iqlimiy me’yordan 3-5 darajaga pastdir.
