Toshkentda dam olish kunlari avtobus harakati qanday tashkil etilishi ma’lum bo‘ldi

Mustaqillik 31 yilligi munosabati bilan bayram va dam olish kunlarida jamoat transporti faoliyatida o‘zgarish bo‘ladi.

Foto: Kun.uz

«Toshshahartransxizmat» AJ axborot xizmati xabariga ko‘ra, transport harakati quyidagicha tashkil etiladi:

2022 yil 1 sentabr, payshanba – Mustaqillik kuni, ishlanmaydigan bayram kuni. Yakshanba kunlari uchun tasdiqlangan jadvallar asosida;
2022 yil 2 sentabr, juma – qo‘shimcha dam olish kuni. Yakshanba kunlari uchun tasdiqlangan jadvallar asosida;
2022 yil 3 sentabr, shanba – odatiy dam olish kuni. Shanba kunlari uchun tasdiqlangan jadvallar asosida;
2022 yil 4 sentabr, yakshanba – odatiy dam olish kuni. Yakshanba kunlari uchun tasdiqlangan jadvallar asosida.

Bundan oldin Mustaqillik bayramida o‘zbekistonliklar ketma-ket 4 kun dam olishi xabar qilingandi.