16:59 / 07.09.2022
4285
ФВВ раҳбари Самарқанд халқаро аэропортида махсус машқлар ўтказди

Жорий йил 6 сентябрь куни Самарқанд халқаро аэропортида фавқулодда вазиятлар вазири генерал-майор Абдулла Қўлдошев бошчилигида махсус-тактик ўқув машқи ўтказилди.

Фото: ФВВ матбуот хизмати

ФВВ хабарига кўра, машқлар вилоят Фавқулодда вазиятлар бошқармаси ходимлари ҳамда тегишли хизматлар иштирокида «Аэропорт негизидаги фуқаро муҳофазаси тузилмалари шахсий таркиби ҳамда тегишли хизматлар куч ва воситалари ҳамкорликдаги ҳаракатлари» мавзусига бағишланди.

Фото: ФВВ матбуот хизмати

Ўқув машқи ғоясига кўра, дастлабки босқичида фавқулодда вазиятларда ҳаракат қилиш тизимига кирувчи идора ва ташкилотлар шахсий таркиби, уларга бириктирилган техника, асбоб-анжомлар шайлиги саф кўриги орқали кўздан кечирилган.

Фото: ФВВ матбуот хизмати

Шундан сўнг, навбатдаги босқичда авария-қидирув ва бошқа тезкор тадбирлар, жабрланган инсонларни хавфсиз жойларга эвакуация қилиш, биринчи тиббий ёрдам кўрсатиш ва тиббиёт муассасасига юбориш тадбирлари бажарилди.

Фото: ФВВ матбуот хизмати

Ўқув машқи якунида Фавқулодда вазиятлар вазири томонидан иштирокчиларга зарур тушунтириш ва тавсиялар берилди.

Фото: ФВВ матбуот хизмати

Маълумот учун, 15 ва 16 сентябр кунлари Самарқандда Шанҳай ҳамкорлик ташкилоти саммити бўлиб ўтади. Унда ташкилотга аъзо мамлакатлар барча раҳбарлари иштирок этиши кутилмоқда. Ҳозирги кунда ШҲТ таркибига саккиз давлат – Хитой, Қозоғистон, Қирғизистон, Россия, Тожикистон, Ўзбекистон, Ҳиндистон ва Покистон киради.

Top