Finlandiya O‘zbekistonda qonun ustuvorligi sohasidagi loyihani amalga oshirish uchun 1,5 million yevro ajratdi.
Loyiha BMT Taraqqiyot dasturining (BMTTD) mamlakatdagi vakolatxonasi bilan hamkorlikda amalga oshiriladi va 3 yilga mo‘ljallangan. Tegishli hujjat Finlandiyaning O‘zbekistondagi elchisi Ilkka Raysanen va BMTTD vakili Matilda Dimovska tomonidan imzolandi.
Loyiha erkin huquqiy yordamni kengaytirish orqali kam ta’minlangan fuqarolar uchun odil sudlovdan foydalanish imkoniyatini oshirishga, ombudsman idorasi zaif guruhlar inson huquqlarini himoya qilish va rag‘batlantirish bo‘yicha markaziy va mintaqaviy salohiyatini mustahkamlashga, fuqarolik jamiyati adolat va inson huquqlarini hurmat qilish imkoniyatlarini kuchaytirishga qaratilgan.
Loyihaga ekspert yordami mamlakat sobiq adliya vaziri Tuyya Braks boshchiligidagi Xelsinki universiteti qoshidagi Qonun ustuvorligi markazi tomonidan ko‘rsatiladi. Markaz bir guruh ekspertlari joriy yil 23-25 avgust kunlari mamlakatda bo‘ldi.
Qonun ustuvorligi Finlandiya Tashqi ishlar vazirligining 2024 yilgacha Markaziy Osiyo bo‘yicha mamlakat strategiyasida belgilangan hamkorlik uchta asosiy yo‘nalishlaridan biri bo‘lib, barqaror iqtisodiy rivojlanish va tabiiy resurslarni boshqarishni takomillashtirish hisoblanadi. O‘zbekiston, Qirg‘iziston va Tojikistonga strategiya doirasidagi yordam umumiy miqdori 25 million yevroni tashkil etadi.
