Shavkat Mirziyoyev Vladimir Putinga ta’ziya yo‘lladi

Prezident Shavkat Mirziyoyev Rossiyaning Ijyevsk shahridagi maktabda sodir bo‘lgan otishma oqibatida insonlar qurbon bo‘lgani munosabati bilan prezident Vladimir Putinga ta’ziya yo‘lladi.

Foto: Prezident matbuot xizmati

Davlat rahbari halok bo‘lganlarning oila a’zolari va yaqinlariga chuqur hamdardlik izhor etib, jarohatlanganlar tez fursatda shifo topishini tiladi.

26 sentabr tongida Ijyevskdagi 88-sonli maktabga bostirib kirgan noma’lum shaxs o‘t ochdi. 15 kishi halok bo‘lgan, shundan 11 nafari maktab o‘quvchilari.

IIV ma’lumotiga ko‘ra, hujum qilgan shaxs o‘z joniga qasd qilgan. U natsistcha ramzlar aks etgan qora kiyimda bo‘lgan va ikkita Makarov to‘pponchasi bilan qurollangan.