Shols Yevropa Ittifoqini kengaytirishga chaqirdi 

Germaniya kansleri Olaf Shols Yevropa sotsial-demokratlar yig‘ilishida Yevropa Ittifoqi (YeI) kengayishi kerakligini ta’kidladi. 

«500 milliondan ortiq erkin va teng huquqli fuqarolarga ega 27 ta, 30 ta, 36 ta davlatdan iborat Yevropa Ittifoqi dunyoga yanada ko‘proq ta’sir o‘tkazishi mumkin», - dedi u. 

Siyosatchi o‘zini hamjamiyatning kengayishi tarafdori deb atadi. Uning fikriga ko‘ra, Yevropa Ittifoqini Sharqqa tomon kengaytirish a’zo davlatlar uchun foydalidir. 

Shols Germaniya kansleri bo‘lganidan so‘ng, Yevropa Ittifoqini kengaytirish, uning tarkibiga Bolqon davlatlarini va boshqa mamlakatlarni qo‘shishni tashqi siyosatining asosiy yo‘nalishi sifatida belgilagan edi. 

Yevropa Ittifoqi 1992 yilda tashkil qilingan bo‘lib hozirgi vaqtda unga 27 ta davlat a’zo. 2020 yilda Buyuk Britaniya hamjamiyatdan chiqib ketdi. 2022 yilda Ukraina va Moldova Yevropa Ittifoqiga a’zo bo‘lishga nomzod maqomini oldi.