“O‘zgidromet” tomonidan joriy yil 17 oktyabrida respublika barcha hududlariga sovuq va nam havo massalari kirib kelishi haqida xabar berilgan.
Foto: KUN.UZ
Uzoq vaqt davomida yog‘ingarchilik bo‘lmagani va havo harorati inversiyasi natijasida 17 oktyabr kuni 18:00 dan 23:00 gacha Toshkent shahri atmosfera havosi mayda chang zarrachalari bilan ifloslanishi kuchayishi kutilmoqda.
“O‘zgidromet” Toshkent shahri aholisi va mehmonlariga quyidagilarga amal qilishni tavsiya etyapti:
- Imkoni boricha, uydan chiqmaslikka harakat qilish kerak.
- Ko‘chada bo‘lganda, albatta tibbiy niqob taqish va uni har bir soatda almashtirish lozim.
- Nafas qaytishi, burun bitishi, aksa urish, tumov, ko‘zlar qizarishi va qichishishi, tomoqda qattiq qichishish, yo‘tal paydo bo‘lganda zudlik bilan allergolog shifokorga murojaat qilish lozim.
- Tuzli eritmada burun va tomoqni chayish, oynalarni yopiq holatda saqlash, oynalar oldida ho‘l sochiqlarni yoyib qo‘yish tavsiya etiladi.
