O‘zbekiston va Xitoy «Ipak yo‘li» turizm brendini birgalikda ilgari suradi

Oktabr oyi oxirida Xitoy yirik import qiluvchi assotsiatsiyalari, ishbilarmon doiralari va import qilishdan manfaatdor korxonalar vakillari uchun O‘zbekistonning Xitoy bozoriga eksport qilinadigan meva-sabzavot mahsulotlari taqdimotini o‘tkazish bo‘yicha kelishuvga erishildi.

Guanchjou shahrida O‘zbekiston ishlab chiqaruvchilari, eksportchilari va hunarmandlarining mahsulotlari shou-rumini ochish masalalariga alohida e’tibor qaratildi.

Tomonlar, O‘zbekiston va Xitoy ishbilarmon doiralari vakillari ishtirokida biznes-forum o‘tkazish, yangi qo‘shma loyihalarni amalga oshirish va mamlakatda yaratilgan sarmoyaviy imkoniyatlar bilan yaqindan tanishish maqsadida kelgusi yil boshida xitoylik ishbilarmonlarning O‘zbekistonga safarini tashkil etishga bo‘yicha kelishib oldi.

Turizm industriyasini rivojlantirish sohasida o‘zaro hamkorlik yo‘llari ham muhokama qilindi. Sayyohlik sohasidagi hamkorlikni faollashtirish, «Ipak yo‘li» turizm brendini birgalikda rivojlantirish va ilgari surish taklif etildi. O‘zbekistonning sayyohlik salohiyati, Samarqandda bu borada amalga oshirilayotgan islohotlar haqida ma’lumot berildi.