13:34 / 21.10.2022
5312
Тошкентда пневматик қурол олиб юрган яна бир ҳайдовчи аниқланди

Тошкентда пневматик қурол олиб юрган ҳайдовчи аниқланди. Бу ҳақда ИИВ Жамоат хавфсизлиги департаменти Йўл ҳаракати хавфсизлиги хизмати хабар бермоқда.

Фото: ИИВ

Қайд этилишича, 2022 йил 19 октябрь куни соат 00:15 ларда Тошкент шаҳар, Юнусобод туманида хизмат олиб бораётган ЙПХ ходимлари Д.Асадов ва О.Нормановлар томонидан Увайсий кўчаси бўйлаб ҳаракатланиб келаётган, ҳайдовчи, 1997 йилда туғилган Ж.З. бошқарувидаги Lacetti русумли автомобиль тўхтатилган.

ИИВ хабарига кўра, автомобиль холис ва гувоҳлар иштирокида текширилганда, унинг салонидан тегишли ҳужжатлари бўлмаган пневматик қурол топилган.

Мазкур ҳолат юзасидан тегишли ҳужжатлар расмийлаштирилган.

Хабарда айтилишича, фуқаро Ж.З. ва қурол Юнусобод тумани ИИО ФМБга топширилган.

Top