O‘zbekistonga shakar asosan Hindistondan olib kelinmoqda

2022 yilning yanvar-sentabr oylarida O‘zbekiston 10 ta xorijiy davlatlardan qiymati 33,2 mln AQSh dollariga teng bo‘lgan 48,6 ming tonna shakar import qilgan. 

Davlat statistika qo‘mitasi ma’lumotlariga ko‘ra, shakar importi 2021 yilning mos davri bilan solishtirilganda 25,3 ming tonnaga oshgan.

2022 yilning o‘tgan 9 oyida O‘zbekiston eng ko‘p shakar import qilgan davlatlar orasida Hindiston yetakchilik qilmoqda – 24 ming tonna.

Keyingi o‘rinlardan mos ravishda 11 ming tonna hamda 6,8 ming tonna shakar olib kelingan Pokiston va BAA joy oldi.

Ushbu ko‘rsatkich qolgan davlatlar kesimida quyidagicha ko‘rinish oldi:

• Xitoy – 3,8 ming tonna;
• Eron – 1,9 ming tonna.