Abdulla Aripov Qozog‘istonga tashrif buyurdi

Bugun Ostona shahrida MDHga a’zo davlatlar Hukumat rahbarlari kengashining majlisi o‘z ishini boshladi.

Tadbir delegatsiya rahbarlarining tor doiradagi uchrashuvi bilan boshlandi. Shundan so‘ng so‘ng kengaytirilgan tarkibda uchrashuv bo‘lib o‘tadi. 

Qozog‘iston bosh vaziri Alixan Smoilov raisligidagi yig‘ilishda Ozarboyjon hukumati rahbari Ali Asadov, Belarus hukumati rahbari Roman Golovchenko, Rossiya hukumati rahbari Mixail Mishustin, O‘zbekiston bosh vaziri Abdulla Aripov, Tojikiston bosh vaziri Kohir Rasulzoda, Qirg‘iziston prezidenti administratsiyasi rahbari Oqilbek Japarov, Armaniston bosh vaziri o‘rinbosari Mher Grigoryan va Turkmaniston vazirlar mahkamasi raisi o‘rinbosari Xo‘jamirat Geldimiradov ishtirok etmoqda.

MDH HRK majlisida MDHda iqtisodiy hamkorlik, xizmatlarning erkin savdosini tashkil etish, foydalanish va investitsiya qilish to‘g‘risidagi bitim, hamdo‘stlik Hukumat rahbarlari kengashining navbatdagi majlisini o‘tkazish va boshqa qator masalalar muhokama qilinmoqda.