To‘qayev internetdagi ko‘zbo‘yamachilik va «oson pul» madaniyatini qoraladi

Qozog‘iston prezidenti Qosim-Jo‘mart To‘qayev ommaviy axborot vositalari va ijtimoiy tarmoqlarda bekorchi turmush tarzini ommalashtirishni qoraladi.

«Yosh avlodni to‘g‘ri hayot yo‘lidan adashtiradigan, dunyoqarash va qadriyatlarni buzib ko‘rsatadigan xo‘jako‘rsinga hashamat va oson pul topishga sig‘inishni ommalashtirishga yo‘l qo‘yib bo‘lmaydi. Yoshlar media makonda namoyishkorona isrofgarchilik va bema’ni bekorchilikning xayoliy dunyosini emas, balki bunyodkorlik mehnati, halol daromad va yuksak ichki madaniyatning yaqqol, ishonchli namunalarini ko‘rishi kerak», dedi u.

To‘qayev yuksak madaniyatga ega mamlakat butun dunyoda e’tirof va obro‘-e’tiborga sazovor bo‘lishini ta’kidladi. Haqiqiy madaniyat esa oddiy qoidalardan boshlanadi: uyda ham, odamlar orasida ham axloqiy tamoyillarga rioya qilish, jamiyatda o‘zini to‘g‘ri tuta bilish, boshqalarni hurmat qilish.