Belarusda «Yashasin Belarus!» shiori fashistlar qutloviga tenglashtirildi
Endi «Jyve Belarus!» (Yashasin Belarus!) shiorini aytish va unga «Jyve» (Yashasin!) deb javob berish jinoyat hisoblanadi.
Belarus Ichki ishlar vazirligi «Jyve Belarus!» (Yashasin Belarus!) shiori va unga javob tariqasida aytiladigan «Jyve» (Yashasin!) hayqirig‘ini natsistlar ramzi va timsollari ro‘yxatiga kiritdi.
Bu iboralar o‘tgan yili Belarusda yuz bergan ommaviy norozilik namoyishlarining shioriga aylangan edi.
«Jyve Belarus!» - fashistlar bilan hamkorlik qilgan 13-Belarus politsiya bataloni va 30-Vaffen SS diviziyasi timsoli hisoblanadi. U nemislarning «Hayl Hitler!» (Yashasin Hitler!) qutloviga o‘xshash bo‘lib, o‘ng qo‘lni ko‘tarib, ochiq kaftini namoyish etish bilan ifodalanadi», deyiladi Belarus IIB bayonotida.
Belarusda natsistlar ramzini targ‘ib qilish 4 yilgacha qamoq bilan jazolanadi.
Ushbu tashabbus Vakillar palatasi deputati Igor Marzalyuk tomonidan berilgan. 2021 yil noyabrida u muxolifat shiori fashistlarning «Zig Hayl!» (Yashasin g‘alaba!) qutlovi nusxasi ekanini aytgan edi.
Mavzuga oid
21:08 / 30.09.2024
Lukashenko hukumatining belaruslarga qarshi jinoyatlari to‘g‘risidagi materiallar XJS prokuroriga yuborildi
00:13 / 28.09.2024
Lukashenko NATO davlatlariga yadroviy zarba berishga tayyorligini ma’lum qildi
08:50 / 26.09.2024
Bryussel Lukashenko rejimi mahbuslarini ozod etishni talab qildi
20:37 / 24.09.2024