BMT Rossiyadan o‘g‘itlarni olib chiqib ketishdagi to‘siqlarni olib tashlashga chaqirdi

BMT jahon hamjamiyatini Rossiyadan o‘g‘it eksporti yo‘lidagi to‘siqlarni olib tashlashga chaqirdi. Bu haqda 11 noyabr, juma kuni kechqurun Jyenevada Rossiya va BMT vakillari o‘rtasidagi «g‘alla bitimi» bo‘yicha muloqotning navbatdagi raundida Rossiya delegatsiyasiga boshchilik qilayotgan Rossiya tashqi ishlar vaziri o‘rinbosari Sergey Vershinin bilan muzokaralardan so‘ng jahon tashkiloti ma’lum qildi.

«Dunyo o‘g‘itlar yetkazib berish bo‘yicha global muammolar global oziq-ovqat tanqisligiga olib kelishiga yo‘l qo‘yishi kerak emas», - deya bildirdi tashkilot.

Muzokaralarda BMT tomonidan YuNKTAD bosh kotibi (BMT Savdo va taraqqiyot konferensiyasi) Rebeka Grinspan va BMTning Gumanitar masalalarni muvofiqlashtirish boshqarmasi rahbari Martin Griffits ishtirok etdi.

Noyabr oyi boshida Rossiya Ukraina qishloq xo‘jaligi mahsulotlarini Qora dengizdagi gumanitar yo‘laklar orqali xavfsiz eksport qilish bo‘yicha «g‘alla bitimi»ni amalga oshirishni qayta boshlaganini ma’lum qildi. Bu haqda Rossiya Mudofaa vazirligi bayonot berdi. Vazirlikning qayd etishicha, Rossiya BMT va Turkiya yordami bilan Ukrainadan gumanitar koridor va Ukraina portlaridan Rossiyaga qarshi harbiy amaliyotlar o‘tkazish uchun foydalanilmasligi haqida zarur yozma kafolatlar olgan.

Ayni paytda, Rossiyaning BMTdagi doimiy vakili Vasiliy Nebenzya Rossiya oziq-ovqat va o‘g‘itlarini eksport qilish bo‘yicha oziq-ovqat kelishuvining bir qismi ishlamayotgani haqida gapirdi.

Dpa agentligi ta’kidlashicha, sanksiyalar to‘g‘ridan to‘g‘ri ushbu eksportga qarshi qaratilmagan, biroq ular Rossiya transportchilarining Yevropa portlariga kirishini, to‘lovlarni amalga oshirishni va kemalar uchun sug‘urta olishni qiyinlashtiryapti. Shu sababdan Moskva kelishuvni uzaytirmaslik bilan tahdid qilgan. Bitim muddati 19 noyabrda tugaydi.

Agar kelishuv uzaytirilmasa, oqibatlari jiddiy bo‘lishi kutilmoqda, deya ogohlantirdi Birlashgan millatlar tashkiloti Oziq-ovqat va qishloq xo‘jaligi tashkiloti (FAO)ning bozorlar va savdo bo‘yicha direktori Bubaker Ben-Belxassen.

BMT ma’lumotlariga ko‘ra, o‘g‘itlar bo‘lgan yuk kemasi keyingi haftada janubi-sharqiy Afrikadagi Malaviga jo‘nab ketishi kerak.

Istanbuldagi Qo‘shma muvofiqlashtirish markazi ma’lumotlariga ko‘ra, 11 noyabr holatiga ko‘ra, 489 ta kema Ukraina portlaridan bug‘doy, makkajo‘xori, kungaboqar yog‘i va soya bilan chiqib ketgan. Birgina 1 noyabrdan buyon 20 dan ortiq kema Livan, Marokash, Liviya, Ispaniya, Ruminiya va Xitoyga yo‘l oldi.

Qora dengiz don tashabbusi doirasida kemalar harakati 3 noyabr kuni qayta tiklandi.