O‘zbekistonda 10 oyda eng ko‘p ishlab chiqarilgan avtomobil ma’lum qilindi

Avtomobil ishlab chiqarish sanoatida 2022 yil yanvar-oktabr oylarida ishlab chiqarilgan yengil avtomobillar soni bo‘yicha Cobalt yetakchilik qilmoqda -  81 311 dona.

Davlat statistika qo‘mitasi ma’lumotlariga ko‘ra, undan keyingi o‘rinlardan mos ravishda 72 321 dona hamda 59 164 dona hajmda ishlab chiqarilgan Lacetti-Gentra va Damas joy oldi.

Ushbu ko‘rsatkich qolgan avtomobillar kesimida quyidagicha ko‘rinishga ega bo‘ldi:

• Nexia T-250 - 19 301 dona;
• Spark - 12 445 dona;
• Tracker - 2 120 dona;
• Volkswagen Caddy - 423 dona;
• maxsus yengil avtomobillar - 16 403 dona.