O‘zbekiston tashqi ishlar vaziri Vladimir Norov Tojikiston tashqi ishlar vaziri Sirojiddin Muhriddin bilan Samarqandda uchrashuv o‘tkazdi.
O‘zbekiston-Tojikiston do‘stlik va yaxshi qo‘shnichilik munosabatlari, turli sohalardagi strategik sheriklik va ittifoqchilik dolzarb masalalari muhokama qilindi. Ikki mamlakat rahbarlari birgalikdagi sa’y-harakatlari tufayli so‘nggi yillarda ikki tomonlama hamkorlikni rivojlantirishda yutuqlarga erishilgani ta’kidlandi.
Tomonlar oliy darajadagi kelishuvlarni har tomonlama amalga oshirish bo‘yicha sa’y-harakatlarni muvofiqlashtirishga tayyorligi ma’lum qilindi. Parlamentlar, hukumatlar va tarmoq vazirliklari orqali faol muloqot o‘tkazish muhimligi ta’kidlandi.
Savdo-iqtisodiy hamkorlikni kengaytirish, tovar ayirboshlash ko‘rsatkichlarini yanada oshirish, ikki mamlakat mintaqalari to‘g‘ridan to‘g‘ri aloqalarini qo‘llab-quvvatlash, energetika, sanoat, qishloq xo‘jaligi va boshqa sohalarda kooperatsiya loyihalarini amalga oshirish bo‘yicha takliflar, O‘zbekiston-Tojikiston investitsiya kompaniyasi mablag‘lari hisobidan ko‘rib chiqildi.
Suv-energetika resurslaridan oqilona foydalanish va barqaror transport-kommunikatsiya aloqalarini rivojlantirish bo‘yicha hamkorlikni davom ettirishga kelishib olindi. Xalqaro institutlar doirasidagi tomonlar o‘zaro hamkorligi, mintaqaviy siyosat ayrim masalalari yuzasidan fikr almashildi.
