16:00 / 04.12.2022
8542

Qamchiq dovonida hafta davomida qor yog‘ishi kutilmoqda

Foto: Kun.uz

«Qamchiqavtoyo‘l» ixtisoslashtirilgan yo‘llardan foydalanish unitar korxonasi haydovchilarni dovon yo‘lida noqulay ob-havo bo‘lishidan ogohlantirdi.

Ma’lum qilinishicha, A-373 M-39 Guliston—Bo‘ka—Angren—Qo‘qon—Andijon orqali—O‘sh avtomobil yo‘lining Qamchiq dovonidan o‘tgan qismida 4 dekabrdan boshlab hafta davomida qor yog‘ishi kutilmoqda.

Ayni paytda avtotransport vositalari ikki tomonlama xavfsiz harakatlanmoqda.

«Qamchiqavtoyo‘l» matbuot xizmati dovon orqali harakatlanadigan haydovchilardan barcha xavfsizlik choralarini ko‘rishlarini, avtotransport vositalari shinalarini qishgisiga almashtirishlarini tavsiya qildi.

 

Top