O‘zbekistonni Pokiston bilan bog‘lovchi Transafg‘on temir yo‘li qurilishi narxi oshdi
O‘zbekiston va Pokistonni bog‘laydigan Transafg‘on temiryo‘li qurilishi dastlab taxmin qilinganidan deyarli ikki barobar qimmatga tushishi mumkin.
Loyihaning yangi smeta qiymati Pokiston Senatining temir yo‘l infratuzilmasi qo‘mitasi yig‘ilishida ma’lum qilindi.
Temir yo‘l vazirligi kotibi Zafar Ranja so‘zlariga ko‘ra, Afg‘onistonning Mozori Sharif shahridan Pokistonning Peshovar shahrigacha quriladigan Transafg‘on temir yo‘li narxi 8,2 milliard dollarga tushadi.
O‘zbekiston chegarasidan Afg‘oniston orqali Pokistongacha bo‘lgan temir yo‘l liniyasini barpo etish tashabbusi 2018 yilda ilgari surilgan edi. Dastlab 5 milliard dollarga baholangan loyihaga xorijlik kompaniyalar, jumladan «Rossiyskiye jyeleznyye dorogi» ham qiziqish bildirdi.
Qurilish ishlarini 2021 yil kuzida boshlash rejalashtirilgan edi, biroq Afg‘onistonda hokimiyat almashishi bunga yo‘l qo‘ymadi. «Tolibon» harakati tomonidan tuzilgan muvaqqat hukumat esa muzokaralardan so‘ng loyihaga qo‘shildi. Shu yilning yanvar oyida temir yo‘lning dastlabki yo‘nalishi tasdiqlandi.
Loyihaning amalga oshirilishi natijasida tovar-mahsulotlarni Markaziy Osiyo, MDH va Yevropaga yetkazib berish muddati sezilarli darajada qisqarishi kutilmoqda. Masalan, Pokistondan O‘zbekistonga yuk tashish 35 kun emas, balki 3-5 kun davom etishi kutilyapti, bunda tovarlarni yetkazib berish narxi qariyb uch barobarga arzonlashishi mumkin. Shu bilan birga, ushbu yo‘nalish bo‘ylab yiliga 10 million tonna yuk tashilishi mumkin.
Mavzuga oid
23:53 / 30.09.2024
Ozarboyjonda o‘zbekistonlik harbiylar ishtirokida «Mahorat-2024» qo‘mondonlik-shtab o‘quvlari boshlandi
21:05 / 30.09.2024
Yuqori tezlikdagi va tezyurar poyezdlarda yo‘lovchi tashish xizmati tariflari erkinlashtiriladi
18:48 / 28.09.2024
Xitoydan Qirg‘iziston orqali o‘tadigan temir yo‘lning O‘zbekistondagi qismi qachon qurilishi ma’lum bo‘ldi
23:22 / 24.09.2024