Germaniya 2023 yilda Rossiya neftini sotib olmaydi - Bloomberg 

Germaniya kelasi yil boshidan Rossiya neftini sotib olishni to‘xtatadi va Qozog‘istondan neft import qiladi. Bu haqda Bloomberg xabar berdi. 

Nemislarning Leuna va Shvedt neftni qayta ishlash zavodlari tarixan Rossiya neftini quvur orqali import qilishga qaram bo‘lib kelgan. Endi Yevropadagi eng yirik «Drujba» quvuri orqali neft Qozog‘istondan keladi, ammo bu kelishuv hali imzolanmagan.

Germaniya Iqtisodiyot vazirligi xabariga ko‘ra, Leuna va Shvedt neftni qayta ishlash zavodlari yangi yildan boshlab Rossiya xom neftiga buyurtma bermaydi. 

2022 yil may oyi oxirida YeI davlatlari rahbarlari Rossiya neftini eksport qilishni taqiqlashga kelishib oldilar. 3 dekabr kuni Yevropa Ittifoqi kengashi Rossiyadan eksport qilinadigan neftning yuqori narxini 1 barrel uchun 60 dollar qilib belgilashga qaror qildi. 

5 dekabrda Yevropa Ittifoqining Rossiyaga qarshi neft sanksiyalari kuchga kirdi. 2023 yil 5 fevraldan boshlab Rossiya neft mahsulotlarini sotib olish ham taqiqlanadi. 

2022 yil 9 dekabrda Qo‘shma Shtatlar neft embargosini chetlab o‘tishga uringan kompaniyalarga nisbatan ham sanksiyalar joriy qilgan edi.