O‘zbekiston Respublikasi Aholi sog‘lig‘ini saqlash kodeksi loyihasi e’lon qilindi.
Aholi sog‘lig‘ini kodeksi loyihasi umumiy va maxsus qismlarda jami 200 moddada bayon etilmoqda.
Umumiy qism 5 ta bobdan iborat bo‘lib, quyidagilarni o‘z ichiga oladi:
- asosiy qoidalar;
- sog‘liqni saqlash sohasida davlat boshqaruvi;
- O‘zbekiston sog‘liqni saqlash tizimi va uni moliyalashtirish;
- raqamli sog‘liqni saqlash;
- sog‘liqni saqlash sohasi sub’yektlarining huquq va majburiyatlari.
Maxsus qism quyidagi asosiy yo‘nalishlarni qamrab olgan 16 ta bobdan iborat:
- jamoat salomatligi muhofazasini tashkil etishning o‘ziga xos xususiyatlari;
- yuqumli va yuqumli bo‘lmagan kasalliklar profilaktikasi;
- tibbiy yordam ko‘rsatishning umumiy qoidalari;
- idoraviy tibbiyot;
- sog‘liqni saqlash sohasidagi alohida munosabatlarni tartibga solish;
- asosiy yuqumli va yuqumli bo‘lmagan kasalliklarda tibbiy yordam ko‘rsatish;
- aholining sanitar-epidemiologik osoyishtaligini ta’minlash;
- donorlik va transplantatsiya;
- farmatsevtik faoliyat, dori vositalari va tibbiy buyumlarning muomalasi;
- sog‘liqni saqlash sohasida ta’lim va ilmiy faoliyat;
- sog‘liqni saqlash sohasida kadrlar siyosati;
- tibbiyot va farmatsevtika xodimlarining maqomi;
- yakunlovchi qoidalar.
Shuningdek, kodeks kuchga kirishi munosabati bilan o‘z kuchini yo‘qotgan deb topiladigan O‘zbekiston qonun hujjatlari ro‘yxati belgilanmoqda.
