O‘zbekiston va Ispaniya oliy ta’lim sohasida qo‘shma loyihalarni muhokama qilyapti

Tomonlar O‘zbekiston va Ispaniya o‘rtasida oliy ta’lim va kadrlar malakasini oshirish sohalarida hamkorlikni yanada rivojlantirish masalalarini muhokama qildi.

Toshkentda faoliyat yuritayotgan Fransuz Alyansi va Germaniyaning akademik almashinuvlar xizmati bilan hamkorlikda qator qo‘shma loyihalar muvaffaqiyatli olib borilayotganini inobatga olib, Ispaniya ta’lim xizmati bilan ham ushbu yo‘nalishlarda aloqalarni yo‘lga qo‘yishdan manfaatdorlik bildirildi.

Ispaniya ta’lim xizmati vakili Xose Aurelio Yaneza «El-yurt umidi» jamg‘armasi bilan yaqindan hamkorlik aloqalarini o‘rnatishga tayyor ekanini ma’lum qildi. 

«Ispaniya hukumatining Toshkent shahrida elchixona ochish bo‘yicha qarori ikki tomonning sa’y-harakatlari natijasidir. Ispaniya xalqaro ta’lim xizmati «El-yurt umidi» jamg‘armasi bilan hamkorlik aloqalarini o‘rnatish maqsadida ikki tashkilot o‘rtasida hamkorlik Memorandumini imzolashni taklif qilaman», dedi u.

Muloqotda ta’lim sohasida qo‘shma loyihalarni amalga oshirish borasida kelishuvlarga erishildi.