Sinoptiklar o‘zbekistonliklarni issiq havo va kuchli shamol haqida ogohlantirdi

“O‘zgidromet” xabariga ko‘ra, 13-14 aprel kunlari respublika hududining katta qismida kunduzgi havo harorati +30...+35 darajagacha, shimolda, janubda va cho‘l hududlarida +37 darajagacha ko‘tariladi.

12-14 aprelda respublika hududi bo‘yicha ba’zi joylarda shamol tezligi 17-22 m/s gacha kuchayishi, ayrim joylarda chang-to‘zon kuzatilishi kutilmoqda.

12-14 aprelda Qoraqalpog‘iston Respublikasida, 13-14 aprelda Xorazm, Buxoro, Navoiy, Toshkent, Sirdaryo, Qashqadaryo viloyatlarida ba’zi joylarda shamol tezligi 25-28 m/s gacha kuchayishi mumkin.

Kuchli shamol vaqtida avtomobillarni daraxtlar ostida qoldirmaslik tavsiya etilgan.