Xerson va Zaporijjyada portlashlar sodir bo‘ldi

“Suspіlne” nashri Zaporijjyadagi portlash tovushlari haqida xabar tarqatdi. Shahar kengashi kotibi Anatoliy Kurtev shahar aholisini eng yaqin boshpanalarga borishga chaqirdi. 

Zaporijjya viloyatida havo trevogasi e’lon qilingan.

12 mayga o‘tar kechasi Xersonda ikkinchi marta portlash ovozlari eshitildi. 

Portlashlar haqida birinchi marta "Suspіlne" mahalliy vaqt bilan yarim tundan 20 daqiqa o‘tgach xabar bergan va yarim soatdan keyin u yangi portlashlar haqida ma’lumot tarqatgan. 

Ayni paytda, na shaharda, na Xerson viloyatida havo trevogasi e’lon qilinmagan.

8 mayga o‘tar kechasi Rossiya Eronda ishlab chiqarilgan Shahed-136/131 kamikadze-dronlari bilan Kiyev va Odessa viloyatlariga havodan hujum qilgandi.

Ukraina harbiy-havo kuchlari xabarida aytilishicha, Kiyevga hujum qilgan 35 ta UUAning barchasi havo hujumidan mudofaa tizimlari tomonidan urib tushirilgan.

Ukraina harbiylariga ko‘ra, Rossiya qo‘shinlari Kiyevga shimoliy yo‘nalishdan – Bryansk viloyatidagi Seshcha aerodromidan hujum qilgan. Ma’muriyat rahbari Sergey Popko so‘zlariga ko‘ra, Kiyevda besh nafar fuqarosi jabrlangan, shaharda avtomobillar va derazalar shikastlangan.